Liga e Kombeve / UEFA zhduk “garancinë” se Shqipëria se do jetë në play-off të Euro 2024

Panorama Sport | Lajmet e fundit nga sporti

Postuar: Dhjetor 16, 2021 | 21:56


Liga e Kombeve / UEFA zhduk “garancinë” se Shqipëria se do jetë në play-off të Euro 2024

Nëse gjendesh në Ligën A ose B të Ligës së Kombeve, pavarësisht renditjes, ke të sigurt thuajse matematikisht pjesëmarrjen në play-off të Kampionatit Europian. Kjo ishte formula matematikore të cilës i besuan shumë skuadra të cilat kishin bërë mirë llogaritë e tyre në fillimin e edicionit të parë të këtij turneu që garantoi biletat për Euro 2020. Por tashmë kjo garanci nuk ekziston më, për fatin e keq të Shqipërisë.

Shqiperia

Dy vite më parë, UEFA ndryshoi formulën e turneut dhe tashmë ka pasiguri mbi mënyrën se si do të organizojë kualifikueset e Euro 2024 e për më tepër play-off. Ndryshimi i Ligës A duke kaluar në 4 skuadra për grup dhe reduktimi i Ligës D me vetëm 2 grupe, ka bërë që të mos ketë një formulë fikse që përcakton se si turneu i ndërtuar si “rrugë alternative” për Europianin, do të ndikojë në garën drejt aktivitetit që zhvillohet në Gjermani.

Edhe pse u hodh shorti i Ligës së Kombeve, UEFA ka bërë të ditur se nuk ka përcaktuar ende formulën e saktë se si do të ndikojë në kualifikueset e Europianit, por ka bërë të ditur se ajo do të miratohet nga Komiteti Ekzekutiv i saj deri në qershorin e vitit 2022, kur nisin ndeshjet.

PANORAMASPORT.AL