Liga e Kampioneve/ Liverpuli mposht Hofenhajmin në Gjermani, fiton Karabaku i Agollit (VIDEO)
U luajtën sot ndeshjet e para në 5 çifte të “play-off”-it të Ligës së Kampioneve. Ndeshja kryesore e mbrëmjes u zhvillua në Gjermani, ku Hofenhajmi u përball me Liverpulin.
Anglezët e drejtuar nga Jyrgen Klop arritën të fitojnë me rezultatin 1-2. Kramariç humbi një penallti për gjermanët në minutën e 12, ndërkohë që Aleksandër-Arnold kaloi Liverpulin në avantazh në minutën e 35-të. Në minutën e 74-t, një autogol i Nordvajt dyfishoi shifrat për të kuqtë. Hofenhajmi shënoi një gol shprese në minutën e 87 me anë të Uth, por gjithsesi shanset e kualifikimit në ndeshjen e kthimit mbeten të pakta.
Ndërkohë në ndeshjet e tjera, Karabaku i Ansi Agollit fitoi 1-0 ndaj Kopenhagës, APOEL-i mposhti 2-0 Sllavian e Pragës, Sportingu i Lisbonës barazoi 0-0 me Steauan e Bukureshtit, ndërsa CSKA-ja e Moskës fitoi 0-1 ndaj Jang Bojsit.
LIGA E KAMPIONEVE – PLAY-OFF
APOEL – Sllavia Pragë 2-0
Hofenhajm – Liverpul 1-2
Sporting Lisbonë – Steaua Bukuresht 0-0
Jang Bojs – CSKA Moskë 0-1
Karabak – Kopenhagë 1-0
NDIQE LIVE "PANORAMA TV"