Liga e Kampionëve/ Juventus me tjetër fytyrë në Europë, ja rezultatet e të mërkurës
Janë luajtur sot ndeshjet e dyta të grupeve në Champions League. Një Juventus totalisht ndryshe nga ai i kampionatit, ekipi i Masimiliano Alegrit në Champions shfaqet me një tjetër fytyrë. Ata kanë arritur fitoren e dytë rradhazi në grup duke mundur në shtëpi pastër ndaj Sevijas dhe duke kryesuar me merite grupin D.
Reali i Madridit ka fituar në transfertë përballë Malmos falë dopietës së kristiano Ronaldos. Portugezi ka kaluar sot kuotën e 500 golave në karierrën e tij. Në takimet e tjera, Mançester Junajtid ka përmbysur 2-1 Volfsburgun, Benfika surprizoi në transfertë Atletikon e Madridit duke e mundur 1-2, PSG-ja fitoi pastë në Ukrainë 0-3 ndaj Shahtjorit, CSKA e Moskës mposhti në shtëpi 3-2 PSV-në, Astana barazoi në shtëpi 2-2 ndaj Gallatasarait dhe Mançester Siti fitoi 1-2 në transfertë ndaj Borusia Myshengladbah.
Ja rezultatet e sotme:
Juventus – Sevilla 2-0
Malmo – Real Madrid 0-2
Atletico Madrid – Benfica 1-2
CSKA Moscow – PSV Eindhoven 3-2
Monchengladbach – Manchester 1-2
Manchester United – Wolfsburg 2-1
Shakhtar Donetsk – Paris St Germain 0-3