LIGA E KAMPIONEVE/ Crvena Zvezda surprizon kampionët e Zvicrës, 3 skuadrat ballkanase pranë kualifikimit në grupe (VIDEO)
U luajtën sot 3 takimet e para të vlefshme për fazën play-off të Ligës së Kampionëve, ku nuk munguan rezultatet surprizë. Spikat barazimi 2-2 i serbëve të Crvena Zvezdës, përballë kampionëve në fuqi të Zvicrës, Jang Bojs.
Ndërkohë për sa i përket 2 sfidave të tjera, Dinamo e Zagrebit dhe Olimpiakosi i Pireut, kanë hedhur një hap të sigurt drejt fazës së grupeve.
Skuadra greke shpartalloi me rezultatin 4-0 rusët e Krasnodarit, që në fazën e tretë eliminuan Porton, ndërkohë që kroatët mposhtën me rezultatin e pastër 2-0, skuadrën norvegjeze të Rosenborgut.
E veçanta është se të 3 skuadra ballkanase janë shumë pranë kualifikimit për në fazën e grupeve të Champions-it. Kujtojmë që sfidat e kthimit do të luhen pas 1 jave.
REZULATET:
DINAMO ZAGREB – ROSENBORG 2-0
OLIMPIAKOS – KRASNODAR 4-0
JANG BOJS – CRVENA ZVEZDA 2-2
PANORAMASPORT.AL
NDIQE LIVE "PANORAMA TV"