LIGA E EUROPËS/ “COVID” dhe dëmtime, Hysaj, Mihaj dhe Kumbulla në shtëpi. Ja të gjitha sfidat që do të luhen sot
Roma do t’i bëjë vizitë sot Kluzhit në orën 21:00, por mes mungesave është edhe emri i Marash Kumbullës. Mbrojtësi vijon të mbetet jashtë pasi rezultoi me Koronavirus një javë më parë.
Përveç klubit, lajmin e ka njoftuar edhe vetë shqiptari që nëpërmjet “Instagramit” ka njoftuar se izolimi vazhdon ende për të, teksa në formacion mund ta zëvendësojë Facio që betejën me virusin më në fund e fitoi. Situatë e ngjashme edhe për Napolin që pret Rijekën me ndeshjen që do të luhet gjithashtu në orën 21:00.
Gatuzos mes shumë problemesh pas tre humbjeve radhazi në shtëpi është i detyruar të fitojë, por do t’i duhet ta bëjë pa Elseid Hysajn që vazhdon të jetë pozitiv në testin e tamponit për “COVID”. Mungesë e pritshme edhe për Enea Mihajn te PAOK-u pasi siç dihet lojtari i kombëtares ka kryer një ndërhyrje kirurgjikale dhe po riaftësohet pasi më 31 tetor pati thyer ligamentin e kryqëzuar të gjurit.
Arsenali dhe Lesteri kanë udhëtuar respektivisht ndaj Norvegjisë dhe Portugalisë për ndeshjet e katërta të fazës në grupe të Ligës së Europës. Me një fitore sot ndaj Moldes “Topçinjtë” e drejtuar nga Milael Arteta do të mbyllnin çdo diskutim kualifikimi si e para në grupin B.
I njëjti diskutim vlen edhe për Lestërin që do të duhet të mposhtë Bragën në shtëpinë e saj për të blinduar kreun në grupin G. Disi më i komplikuar, rrugëtimi i Totenhemit në grupin J. Skuadra e Mourinjos për t’u ngjitur në vendin e parë duhet të mposhtë në Londër bullgarët e Ludogoretstit dhe të shpresojë që Antverpi të frenojë në Austri ndaj Lask Linz
JA TË GJITHA SFIDAT E DITËS SË SOTME:
GRUPI A
CSKA Sofje – Jang Bojs 18:55
Kluzh – Roma 21:00
GRUPI B
Molde – Arsenal 18:55
Dundalk – Rapid 21:00
GRUPI C
Leverkusen – Ber Sheva 18:55
Nisë – Slavia Praga 21:00
GRUPI D
Rejnxhers – Benfika 18:55
St. Liezh – Leh Poznan 21:00
GRUPI E
Granada – Omonia 18:55
PSV – PAOK 21:00
GRUPI F
Alkmar – Sociedad 18:55
Napoli – Rijeka 21:00
GRUPI G
AEK – Zoria 18:55
Braga – Lester 18:55
GRUPI H
Lilë – Milan 18:55
Sparta – Sëlltik 18:55
GRUPI I
Makabi – Vijareal 18:55
Karabag – Sivaspor 18:55
GRUPI J
LASK – R. Antverp 18:55
Totenhem – Ludogorets 18:55
GRUPI K
CSKA – Fejnord 18:55
Volfsberger – D. Zagreb 18:55
GRUPI L
Gent – C.Zvezda 18:55
Hofenhaim – Slovan 18:55
NDIQE LIVE "PANORAMA TV"