Sulmuesi polak i Bajern Mynihut realizoi një arritje personale historike sot në fushë kundër Lacios. Me golin e shënuar në minutën e nëntë, bomberi i kampionëve të Europës është zyrtarisht golashënuesi i tretë më i mirë në Ligën e Kampioneve, duke parakaluar legjendën e Real Madridit Raul Gonzalez.

32-vjeçari arriti sot në kuotën e 72 golave në Ligën  e Kampioneve, ndërsa ish-kapiteni madrilen e mbylli karrierën me 71 gola në këtë kompeticion. Tashmë, Levandovski ka plotësisht të drejtë të ndihet krenar pasi ngjitet në podiumin e golashënuesve më të mirë të Ligës së Kampioneve me Kristiano Ronaldon dhe Lionel Mesin.

Polaku vazhdon të konfirmohet si njëri prej futbollistëve më të mirë në Europë.

Robert Lewandowski passes Raul to become the third all-time top goalscorer in the Champions League ? pic.twitter.com/tRyN3FkgUV

— B/R Football (@brfootball) February 23, 2021

PANORAMASPORT.AL

NDIQE LIVE "PANORAMA TV"

---