Lëmshi i mediave greke për “nipin” e Sokol Kushtës, reagon legjenda vlonjate: Më bëhet qejfi, por…
Supergoli i shënuar nga sulmuesi shqiptar, Kristian Kushta, në Ligën e Dytë greke, ka bërë xhiron e mediave helene ditën e sotme. Të shumtë ishin gazetat që i kushtuan artikuj 23-vjeçarit, pas atij goli të shënuar në ndeshjen Karaiskakis- OF Ierapetra.
Kristianin e quajtën madje si nipin e legjendës vlonjate, Sokol Kushta. Në mediat greke u përhap lajmi se është i afërm i ish-sulmuesit të Kombëtares shqiptare, por vetë Sokoli, në një prononcim për “Panorama Sport”, e mohoi këtë. “Është fis tjetër shqiptar me mbiemrin Kushta, gjithsesi më bëhet qejfi”, sqaroi shkurtimisht Sokol Kushta për gazetën. Nga sa mësohet, Kristian Kushta është me origjinë nga Elbasani.
Qendërsulmuesi 23-vjeçar është prodhim i akademisë së PAOK-ut, por me selanikasit nuk arriti të luante në elitën e futbollit grek. Ai është nën kontratë me PAOK-un që prej vitit 2016, por çdo sezon është huazuar. Fillimisht luajti në Sllovaki te Zemplin Mihalovce dhe Slavoj Trebishov, ndërsa më pas u rikthye në Greqi për t’u aktivizuar në ekipet e Ligës së Dytë si Aiginiakos, Karaiskakis dhe së fundmi OF Ierapetra.
ERMAL SIKA- PANORAMASPORT.AL
LEXO EDHE:
NDIQE LIVE "PANORAMA TV"