Lajmi i madh nga Anglia, Xhonson zbulon datën kur do të kthehen tifozët në stadiume

Panorama Sport | Lajmet e fundit nga sporti

Postuar: Shkurt 22, 2021 | 23:25


Lajmi i madh nga Anglia, Xhonson zbulon datën kur do të kthehen tifozët në stadiume

Tifozët do të kthehen në ngjarjet elitare sportive nga 17 maji me 10,000 në stadiumet e mëdha, si Wembley dhe fushat e mëdha të futbollit të Premier League, por relaksimi i rregullave do të vijë shumë vonë për finalen e Kupës FA.

34697304-0-image-a-10_1603354138700

Duke folur në Parlament të hënën, Kryeministri Boris Johnson zbuloi planet për një kthim të kujdesshëm të tifozëve për të marrë pjesë në raundet e fundit të ndeshjeve të Premier Ligue, Kampionatit Evropian, Wimbledon dhe Kupën Botërore të Rugby League.

Udhërrëfyesi i qeverisë për lehtësimin e  kufizimeve të bllokimit përcakton katër hapa kryesorë.

Dokumenti zbulon se tifozët do të kthehen në stadiume dhe arena të mbyllura në Hapin Tre nga 17 maji me rritje në Hapin Katër, i cili fillon nga 21 qershori.

Lajmi do të thotë që 21 qershori është data më e afërt, nga e cila mund të ketë turma me kapacitet të plotë në stadiume, në varësi të hapave paraardhës. Kjo do të thotë se nëse hapat e mëparshëm janë përmbyllur me sukses dhe kur shkencëtarët të jenë të sigurt se mund të ecet përpara.

Përfshirja e kësaj date të synuar në udhërrëfyes përfaqëson një sukses për Sekretarin e Kulturës Oliver Dowden. Nëse arrihet, kjo do të thotë se mund të ketë turma me kapacitet të plotë në Wembley për gjysmëfinalet dhe finalen e Kampionatit Evropian.

Megjithatë më herët se kaq, nga 17 maji, vendet e mbyllura do të lejohen të pranojnë deri në një maksimum prej 1000 spektatorë, ose gjysmën e kapacitetit të tyre nëse kjo shifër është më e ulët.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/