Orë vendimtare për Dejvi Bregun. Fantazisti vlonjat, që prej largimit nga Skënderbeu ka synuar të luajë në një ekip jashtë Shqipërisë, por nuk ka qenë e thënë që ofertat të konkretizohen. Fillimisht refuzoi një klub nga Kazakistani, duke lënë të zhgënjyer drejtuesit e Skënderbeut.

Më pas pandemia bëri që të prishej edhe akordi që klubi korçar kishte arritur me suedezët e Hamarbit për të shitur vlonjatin. Përfundimisht mesfushori u largua nga Korça me parametra zero dhe duke qenë futbollist i lirë kishte gjithçka në dorë për të zgjedhur të ardhmen.

Më pas në skenë dolën edhe polakët e Zaglebie Lubin, por një marrëveshje me ta nuk u arrit. U përfol edhe për një kalim të mundshëm të lojtarit te Teuta, por drejtuesit e klubit durrsak bënë me dije për gazetën se nuk kanë asnjë interes për Bregun.

Një klub kroat gjithashtu ka shfaqur interes për Bregun dhe në ditët e ardhshme mund të kemi diçka konkrete.

 

PANORAMASPORT.AL

NDIQE LIVE "PANORAMA TV"

---