Kaosi në Kategorinë e Dytë, FSHF merr vendim
Teksa të dielën, pritej të ngrinte siparin Kategoria e Dytë, një vendim i papritur është marrë nga FSHF-ja.
“Panorama Sport”, mëson se është marrë vendimi që të shtyhet nisja e Kategorisë së Dytë me një javë. Pra, gara nuk do të nisë këtë të dielë, por të dielën e 29 shtatorit.
Problemet e shumta që kanë skuadrat dhe jo vetëm kanë bërë që të merret ky vendim për shtyrjen me një javë të nisjes së garës. Kujtojmë që shorti i Kategorisë së Dytë nuk është hedhur ende dhe pritet që të ndodhë ditën e hënë. Ndërkohë FSHF-ja ende nuk ka bërë ndarjen e grupeve, pasi shumë ekipe kanë probleme.
Ndërkaq ditën e djeshme Komiteti Ekzekutiv ka vendosur se për ekipet e Kategorisë së Dytë do të lejohen vetëm 3 lojtarë jashtë qarku.
Nga ky rregull rrezikon më së shumti ekipi i Tomorit që ka 8 lojtarë jashtë qarkut.
/PANORAMASPORT.AL/
NDIQE LIVE "PANORAMA TV"