Kristiano Ronaldo ka rezultuar sërish pozitiv, në testin e fundit të kryer, duke humbur kështu përfundimisht duelin e ditës së nesërme ndaj Barcelonës. Një mungesë e madhe kjo për kampionat e Italisë, të cilët duhet të bëjnë pa yllin e tyre.

Edhe pse Juventusi ende nuk e ka konfirmuar zyrtarisht lajmin, mediat italiane “Sky Sport” dhe “Football Italia” së bashku dhe me mediat e tjera ndërkombëtare informojnë se 5-herë fituesi i “Topit të Artë” nuk ka arritur ta kalojë koronavirusin dhe tashmë ekipit bardhezi i duhet të përballet pa të me Barcelonën.

Juventusi shpresonte që portugezi të dilte negativ në tamponin e tretë. Edhe nëse ai nuk do të luante nesër, prezenca e tij do ta inkurajonte skuadrën. Vetë Pirlo deklaroi në konferencën për shtyp për ndeshjen me katalanasit se kishte pak mundësi që Ronaldo të luante, pasi prej 15 ditësh nuk luan.

PANORAMASPORT.AL

NDIQE LIVE "PANORAMA TV"

---