“Covid 19” i merr jetën Viron Toskës. Trajneri kampion i Flamurtarit në basketboll për femra humbi jetën në orët e para të mëngjesit të sotëm, teksa prej dy javësh ishte i intubuar në spitalin “Shefqet Ndroqi”, në Tiranë.

Përpara një jave, Federata e Basketbollit do të bënte të mundur transportimin e Toskës drejt Turqisë, për një mjekim të specializuar, por futja në intubim e bëri të pamundur.

Toska u nda nga jeta në moshën 64-vjeçare, ndërsa për gati 10 vite ishte edhe shef i klubit shumësportësh “Flamurtari”. Gazeta “Panorama Sport” i shpreh ngushëllimet më të sinqerta familjes së trajnerit vlonjat për këtë humbje kaq të madhe.

PANORAMASPORT.AL

NDIQE LIVE "PANORAMA TV"

---