Goditje e rëndë për Piolin para Kaljarit, dy titullarët e Milanit rezultojnë pozitiv me Koronavirus
Nëpërmjet një komunikate në faqen e klubit, Milani njofton se Hakan Çakhanoglu dhe Teo Hernandez kanë rezultuar pozitiv me Koronavirus.
Një lajm i keq ky për kuqezinjtë, që duhet të bëjnë pa dy titullarët në ndeshjen me Kaljarin.
Lojtarët nuk do të jenë të gatshëm për ndeshjet e ardhshme, teksa janë izoluar menjëherë, ku do të qëndrojnë, derisa virusi të zhduket nga trupi i tyre.
Kujtojmë se pozitiv me Koronavirus te Milani janë edhe Ante Rebiç e Rade Kruniç, të cilët rezultuan para ndeshjes me Juventusin.
Ndonëse kryesojnë kampionatin, klub i kuqezi po kalon një periudhë shumë të vështirë nga dëmtimet dhe Koronavirusi, ku shumë lojtarë nuk kanë qenë të gatshëm për skuadrën, në periudha të caktuara të sezonit.
Comunicato Ufficiale: Hakan Çalhanoğlu e Theo Hernández ?? https://t.co/NmG3ZHkGjj#SempreMilan pic.twitter.com/QOVTL6yQEV
NDIQE LIVE "PANORAMA TV"— AC Milan (@acmilan) January 17, 2021