Lajme të këqija për Milanin, Menja dëmtohet në ndeshjen e Francës

Panorama Sport | Lajmet e fundit nga sporti

Postuar: Shtator 22, 2022 | 22:21


Lajme të këqija për Milanin, Menja dëmtohet në ndeshjen e Francës

Gëzimi për grumbullimin dhe aktivizimin me Francën i Majk Menja, është kthyer në një lajm të keq për Milanin. Portieri francez, sot ka lënë fushën e lojës i dëmtuar në duelin ndaj Austrisë.

menja

Menja e niste këtë sfidë si titullar, në atë që ishte ndeshja e 5-të me përfaqësuesen franceze ku shumëkush e sheh si titullar edhe para Hugo Loris. Por në pushimin e ndeshjes, trajneri Didier Deshamp vendosi ta largonte nga fusha e lojës për të aktivizuar Alfons Areola.

Vendimi u mor për faktin se lojtari kishte ndjerë shqetësim në pulpën e këmbës së majtë dhe nuk mund të vazhdonte. Kështu, Milani tani pret me zemër të ngirë të mësojë se si është situata me portierin, duke llogaritur se përpara e presin disa sfida shumë të komplikuar në kampionat dhe Europë, me mungesën e Menja që padyshim do të komplikonte gjithçka.

PANORAMASPORT.AL