Lajm i trishtë, ndërron jetë nga Koronavirusi sportisti shqiptar në Amerikë

Panorama Sport | Lajmet e fundit nga sporti

Postuar: Mars 30, 2020 | 0:30

Lajm i trishtë, ndërron jetë nga Koronavirusi sportisti shqiptar në Amerikë

Andre Ljuljovic është shqiptaro-amerikani i parë që ka humbur jetën nga koronavirusi në SHBA.

indjerii-640x723

Djalë emigrantësh shqiptarë, ai ishte i ri në moshë dhe jo më larg se tetori i vitit të kaluar kishte bërë dasmën për t’u martuar me Janet Gazivoda.

Lajmi i botuar në gazetën “Illyria” në New York, shënon jo vetëm rastin e parë të vdekjes në komunitet po edhe një shembull se sëmundja nga ky virus po godet edhe mosha të reja.

Përveç familjarëve dhe miqve, Andre po vajtohet nga mbarë komuniteti i shkollës së mesme, në Archbishop Stepinac, në White Plains, ku e kanë njohur si nxënës e si atlet të fuqishëm në ekipin e futbollit të shkollës. (Futboll Amerikan, aktivizohej për Cruisaders).

Shumë miq të tij janë shokuar nga humbja e papritur dhe po e kujtojnë në rrjetet sociale në internet.

Westchester, zona ku ndodhet White Plains, ka qenë një nga vatrat e para kryesore të përhapjes së koronavirusit, në New York. (Ruben Avxhiu).

PANORAMASPORT.AL

NDIQE LIVE "PANORAMA TV"