Rrezikohet ndeshja Shqipëri-Angli, FSHF: Policia nuk garanton masat, duhet urgjentisht…

Panorama Sport | Lajmet e fundit nga sporti

Postuar: Mars 25, 2021 | 14:56

Rrezikohet ndeshja Shqipëri-Angli, FSHF: Policia nuk garanton masat, duhet urgjentisht…

Federata Shqiptare e Futbollit ka dalë me një deklaratë për shtyp teksa tregon se ka mbërritur një shkresë zyrtare nga Drejtoria Vendore e Policisë Tiranë me firmën e Drejtuesit të Parë, Rebani Jaupi, ku theksohet se strukturat e Drejtorisë Vendore të Policisë Tiranë nuk garantojnë marrjen e masave para, gjatë dhe pas zhvillimit të ndeshjes Shqipëri-Angli, në datë 28 Mars 2021, ora 18:00.

Air Albania

Për këtë gjë, FSHF sqaron se përballë kësaj situate autoritetet shtetërore nuk kanë reaguar pas kërkesës së saj Znj. Dallëndyshe Bici, Drejtuese e Inspektoriatit Kombëtar të Mbrojtjes së Territorit dhe Z. Mariglen Qato, Drejtues i Inspektoriatit Urbanistik Vendor Bashkisë Tiranë, për lirimin e hapësirave në perimetrin e Stadiumit Kombëtar “Air Albania”, kërkojmë reagim urgjent të këtyre strukturave.

Gjithashtu FSHF bën me dije se anulimi i ndeshjes Shqipëri-Angli e parashikuar për t’u luajtur në “Air Albania Stadium”, do të kishte pasoja katastrofike për imazhin e vendit, ekipin Kombëtar dhe në përgjithësi për futbollin shqiptar.

DEKLARATA ZYRTARE E FSHF-së –

“Sot në Federatën Shqiptare të Futbollit ka mbërritur një shkresë, me numër protokolli 2877, e datës 23.03.2021, nga Drejtoria Vendore e Policisë Tiranë, me firmën e Drejtuesit të Parë, Rebani Jaupi, e cila thekson se strukturat e Drejtorisë Vendore të Policisë Tiranë nuk garantojnë marrjen e masave para, gjatë dhe pas zhvillimit të ndeshjes Shqipëri-Angli, në datë 28 Mars 2021, ora 18:00. Gjendur përballë situatës ku autoritetet shtetërore nuk kanë reaguar pas kërkesës së Federatës Shqiptare të Futbollit, të datës 17.03.2021, me numër protokolli 538, drejtuar Znj. Dallëndyshe Bici, Drejtuese e Inspektoriatit Kombëtar të Mbrojtjes së Territorit dhe Z. Mariglen Qato, Drejtues i Inspektoriatit Urbanistik Vendor Bashkisë Tiranë, për lirimin e hapësirave në perimetrin e Stadiumit Kombëtar “Air Albania”, kërkojmë reagim urgjent të këtyre strukturave.  Anullimi i ndeshjes Shqipëri-Angli e parashikuar për t’u luajtur në “Air Albania Stadium”, do të kishte pasoja katastrofike për imazhin e vendit tonë, ekipin Kombëtar dhe në përgjithësi për futbollin shqiptar.”

FSHF

fshfn 1

PANORAMASPORT.AL

NDIQE LIVE "PANORAMA TV"