Postuar: Tetor 22, 2018 | 9:42
Lajm i bujshëm nga Italia, Marselo në janar te Juventusi
Pas Kristiano Ronaldos, Juventusi është duke përgatitur çmendurinë e radhës në merkato. Bëhet fjalë për brazilianin Marselo.
Nëpërmjet një lajmi ekskluziv, gazeta italiane “Tuttosport” zbulon se braziliani dëshiron bardhezinjtë dhe transferimi pritet të vijë që në janar. Gazeta italiane zbulon gjithashtu se orët e fundit Marselo nëpërmjet agjentëve të tij, i ka kërkuar drejtuesve madrilenë largimin.
Një arsye pse 30-vjeçari kërkon të largohet është dhe ecuria negative e Realit javët e fundit. Braziliani kërkon të bashkohet me shokun e tij Kristiano Ronaldo dhe është në bisedime të vazhdueshme me të. Blerja e Marselos te Juventusi pritet të financohet nga shitja e Aleks Sandros në Premier Ligë.
