Laçi lë pas pushimet, kurbinasit zbresin në fushë
Fatkeqësia natyrore që përfshiu Shqipërinë më 26 nëntor, por edhe lëkundjet e tërmetit që kanë vijuar në ditët pasuese, kanë lënë shenjë edhe te lojtarët e Laçit.
Ndaj, për të qetësuar situatën dhe që lojtarët të kishin kohë të mblidhnin veten, drejtuesit vendosën që vetëm dje skuadra të niste përgatitjet për pjesën në vazhdim të kalendarit. Përgatitjet e djeshme të kurbinasve janë mbajtur në kompleksin e FSHF-së në Kamzë.
Skuadra e trajnerit Armando Cungu, pas humbjes me Partizanin, kërkon të kthehet te fitorja dhe kalendari e favorizon disi. Kurbinasit dy ndeshjet e radhës i kanë në shtëpi, ku presin dy skuadrat e fundit të tabelës së klasifikimit, fillimisht Flamurtarin e më pas Luftëtarin.
Për sfidën me vlonjatët në radhët e Laçit do të ketë një kthim të rëndësishëm, ku mbrojtësi Abdurrahman Fangaj ishte i pezulluar nga kartonët e verdhë ndaj Partizanit.
/PANORAMASPORT.AL/
NDIQE LIVE "PANORAMA TV"