Fillimisht Gavi, më pas Ronald Arauho dhe në fund Markos Alonso. La Liga dhe Barcelona duket se janë në një luftë të hapur mes tyre. Institucioni drejtues i futbollit profesionist në Spanjë ka refuzuar kontratën më të fundit të Markos Alonsos që Barcelona ka depozituar në La Liga.

Vetëm pak ditë më parë Barcelona bëri zyrtar rinovimin e kontratës me mbrojtësin e majtë. Alonso firmosi për vijimin e aventurës në Barcelonë deri në vitin 2024 me opsionin për ta zgjatur deri në vitin 2025.

Për të marrë fuqi ekzekutuese, kontrata e re duhet depozituar në La Liga. Por ashtu sikurse ka ndodhur me kontratat e Gavit dhe Arauhos, edhe në rastin e Markos Alonsos, La Liga ka refuzuar regjistrimin e saj. Shkak vazhdojnë të jenë problemet financiare dhe limiti i pagave për katalanasit.

PANORAMASPORT.AL

NDIQE LIVE "PANORAMA TV"

---