“Kur mësova të shkruaj, bëra formacionin e Flamurtarit”, ish-kapiteni Sakaj me urim special për 100-vjetorin e klubit vlonjat
Flamurtari feston 100-vjetorin e themelimit ditën e sotme dhe rimi i ish-kapitenit Artan Sakaj nuk ka munguar.
Me anë të një postimi në rrjetet sociale, 42-vjeçari bëri një urim të veçantë për klubin e zemrës së tij.
“100 VJET FLAMURTAR…. Kur mësova të shkruaj, në faqen e pasme të çantës time të shkollës, shkruajta formacionin e FLAMURTARIT. Përkonte me kohën kur kaluam 3 ture në Europë, historinë më të lavdishme që ka bërë FLAMURTARI. U rrita me atë frymë dhe i jam mirënjohës këtij ekipi sepse një pjesë të karakterit, formimit tim e arrita në sajë të këtij emri të madh. Mirënjohje të madhe për ata që e krijuan këtë emër, mirënjohje për ata që e pasuan dhe do ta vazhdojnë, që ky emër te valëvitet krenar. Personalisht dua të përshëndes të gjithë shokët e mi, që kam luajtur, trajnerët që më kanë stërvitur dhe presidentët që kemi bashkëpunuar me këtë ekip. Dhe në fund një falënderim dhe mirënjohje për tifozët e mrekullueshëm”, shkruan Sakaj.
PANORAMASPORT.AL
NDIQE LIVE "PANORAMA TV"