KUPA E SHQIPËRISË/ Prova gjenerale para derbit, Tirana e Partizani “shpërthejnë” në gola
Në provat gjenerale para derbit, Tirana e Partizani shkëlqyen në ndeshjet e kthimit në Kupën e Shqipërisë, teksa të dyja fituan me shifrat 4-0. Partizani priste ekipin e Tërbunit në Pezë, dhe me sfidën e parë që ishte mbyllur me shifrat 1-0, “demat” nuk u ndalën.
Goli i parë i të kuqve u shënua nga Çinari me kokë, ndërsa në atë moment, mbrojtja kundërshtare e mendoi lojtarin e kuq si në pozicion jashtë loje. I dyti u shënua nga Jurgen Bardhi, një goditje ballore, drejtpërdrejt në kuadrat, nga rreth 20 metra largësi.
Më pas, erdhi edhe rrjeta e dytë e Çinarit, i cili shënoi me një parabolë mbi portierin. Interesant është fakti se ndeshja e kthimit në këtë tur të Kupës, përkon me javën e derbit, dhe interesi është i madh në kompleksin e Pezës, ku po zhvillohet edhe sfida. Rreth 300 tifozë, po ndjekin nga afër takimin e kthimit të Partizanit ndaj Tërbunit.
Ndërkohë, edhe në ndeshjen tjetër, Tirana fitoi po me shifrat 4-0 ndaj Ilirisë, ndërkohë që ndeshjen e parë e kishte fituar në transfertë 1-4. Kujtojmë që Tirana e Partizani luajtën 24 orë para ekipeve të tjera, sepse luajnë ditën e premte derbin.
Në kampin e Tiranës, ishte dita e Junus Sentamut, i cili shënoi një tripletë. Të parin e shënoi pas një topi të gjatë të Karabecit, dhe ugandezi shënoi i vetëm me portierin. Në golin e dytë, pas një kombinimi me sulmuesi Ngo, është Sentamu që del para portës dhe godet pa vështirësi.
Ndërkohë, tripletën e plotësoi pas një krosi të Ismailgecit, dhe Sentamu vetëm sa shtyu topin në rrjetë. Në pjesën e dytë, rrugën e rrjetës e gjeti edhe Ngo, i cili u shërbye nga Muçi nga krahu i djathtë, dhe vetëm me portierin goditi e shënoi.
KUPA E SHQIPËRISË GRUPI A
Partizani-Tërbuni 4-0
(Çinari 16′ , 39′, Bardhi 29′, Heaj 82′)
FORMACIONI I PARTIZANIT: Xhika, Gojkoviç, Bitri, Kalari, Hysenaj, So Hyon, Kote, Kodra, Bardhi, Hebaj, Çinari
KUPA E SHQIPËRISË GRUPI B
Tirana-Iliria 4-0
(Sentamu 23′, 28′, 38′, Ngoo 80′)
FORMACIONI I TIRANËS: Mocka, Ismailgeci, Cake, Atingah, Kërçiku, Karabeci, Çelhaka, Sentamu, Greca, Halili, Ngoo
NDIQE LIVE "PANORAMA TV"