KUKËSI-TEUTA/ Ndeshje e luftuar, por pa gola. Dallojnë portierët, ja cilët zhgënjyen
Gjysmëfinalja tjetër e Kupës së Shqipërisë Kukësi-Teuta dha gjithçka për 90 minuta, përveç golave. “Panorama Sport” zgjedh “lojtarin më të mirë dhe më pak aktiv të ndeshjes së djeshme”.
MË I MIRI
Portierët e të dyja skuadrave, Stivi Frashëri dhe Dashamir Xhika, u treguan vendimtarë gjatë ndeshjes së djeshme. Në rastet më të pastra që u krijuan, ata evituan gola të sigurt. Gjithashtu një paraqitje mjaft të mirë bëri fantazisti Sherif Kallaku, duke treguar klas në fushë dhe dhënë asiste për sulmuesit. Një performancë mjaft të mirë te Kukësi bëri edhe dyshja e qendrës së mbrojtjes: Lulaj-Krasniqi.
MË PAK AKTIVI
Dy lojtarët e krahut të Kukësit, Edi Maliqi dhe Emiljano Musta, jemi mësuar t’i shohim shpesh në ndihmë të sulmit, duke ndihmuar skuadrën në të dyja fazat e lojës. Dje ata nuk ishin në formën e tyre më të mirë, ashtu si edhe Aleksandër Kuro i Teutës, i cili në kohën shtesë mori kartonin e dytë të verdhë dhe doli automatikisht me të kuq. Larg pritshmërisë ishin edhe lojtarë si Florent Avdyli e Enis Gavazaj.
PANORAMASPORT.AL
NDIQE LIVE "PANORAMA TV"