Kukësi zhvilloi sot miqësoren e fundit përpara startit të kampionatit për vitin 2018. Kampionët në fuqi arritën të mposhtnin Dinamon me rezultatin 5-1. Golat për verilindorët u shënuan nga Shkodra, dy herë Guri, Bakaj dhe Ymeraj. Ndërsa golin e vetëm për dinamovitët e realizoi Lika.

Në një prononcim në fundin e ndeshjes, trajneri i Kukësit Pakult, u shpreh për mediat:

“Jam i kënaqur e lojtarët pasi ata zbatuan pikërisht ato që unë kam kërkuar. Ishte një test i mirë për të gjithë. Nuk e di a jemi më mirë apo më keq, sepse nuk e kam ndjekur më parë Kukësin, këtë duhet ta thoni ju.

Por mua më pëlqen skuadra sesi sillet. Kemi ende kohë për të menduar dhe do të shohim gjithmonë nga ndeshja e radhës.”

NDIQE LIVE "PANORAMA TV"

---