Kukësi me grup të plotë, Rroca ia del për Volfsburgun. Ja si do të luajnë verilindorët
Kukësi do të ketë një grup të plotë për të përballuar sot Volfsburgun. Në stërvitjen e fundit në “Air Albania”, trajneri Skënder Gega fiksoi formacionin, duke shuar çdo dyshim.
Në krahasim me atë që ka provuar gjatë javës, Gega vendosi që të përshijë si titullar fantazimin Rroca, për të cilin kishte dyshime pas dëmtimit në miqësoren ndaj Bylisit. Mesfushori është i gatshëm tashmë dhe pritet të luajë në krahun e djathtë.
Me skemën 4-5-1 dhe një mesfushë të ngjeshur, Kukësi do të mundohet të mos lërë hapësira për gjermanët dhe të godasë këta të fundit përmes kundërsulmeve.
Pritet që të debutojë sot si titullar me fanellën e verilindorëve edhe mbrojtësi i majtë, Besir Demiri. Në sulm do të jetë sërish nigeriani Patrik Eze, ndërsa nga stoli do ta nisë Enis Gavazaj. “Diga” në mesfushë do të jetë me Musollin, Telushin dhe Limajn.
PANORAMASPORT.AL
NDIQE LIVE "PANORAMA TV"