Kukësi fitoi Superkupën, Gjici: Ja cilët janë rivalët tanë në kampionat
Kukësi mposhti Skënderbeun me rezultatin 1-3 në finalen e Superkupës së Shqipërisë, por për presidentin e verilindorëve, Safet Gjicin, korçarët do të vijojnë të jenë rivalët kryesorë në luftën për titull në kampionat.
Duke folur pas ngritjes së trofeut, Gjici falënderoi lojtarët dhe stafin teknik, duke thënë se kjo fitore është një ogur i mirë për një tjetër sukses në Kategorinë Superiore.
“Konkurrenca mes nesh do të vazhdojë deri në fund. Por kush fiton edhe guxon. Besoj se është një ogur i mirë. Ne kemi e kemi shtruar tashmë rrugë. Falënderoj stafin teknik dhe lojtarët”,- tha ia për mikrofonin e “Tvsh”.
I pyetur se cilët janë rivalët e Kukësit në kampionat, Gjici shtoi përveç Skënderbeut edhe Partizanin e Tiranën.
“Unë nuk përjashtoj askënd. Por shoh Skënderbeun sepse ka vite që e ka krijuar epërsinë e tij. Këtu nuk nënvlerësoj as Partizanin, por edhe Tiranën dhe ekipet e tjera”,-tha ai.
NDIQE LIVE "PANORAMA TV"