Kthimi pas më shumë se 4 vitesh e gjysmë në Serinë A, Tiago Mota: Manaj është gati!

Panorama Sport | Lajmet e fundit nga sporti

Postuar: Shtator 17, 2021 | 23:47


Kthimi pas më shumë se 4 vitesh e gjysmë në Serinë A, Tiago Mota: Manaj është gati!

Data 18 dhjetor e vitit 2016 regjistronte ndeshjen e fundit të Rei Manajt në elitën e futbollit italian, Serinë A. Sulmuesi kuqezi, asokohe ishte pjesë e Peskarës dhe po mundohej të bënte emër në elitën e futbolli italian. Por gjërat nuk shkuan siç pritej she pas vetëm 12 ndeshjesh e 2 golash me atë klub, Manaj shkoi për një gjysmë edicioni në Serinë B e më pas nisi rrugëtimin e tij në futbollin spanjoll.

manaj

Kanë kaluar më shumë se 4 vite e gjysmë e tani Manaj është gati të tregojë sa vlen në elitë, pasi ka bërë eksperienca të rëndësishme që nga ajo herë e fundit. Tani ai vjen me dëshirën për të qenë protagonist kryesor, edhe pse përsëri në një skuadër të vogël si Specia që ka si objektiv të mbijetojë.

Sulmuesi ishte në stol në ndeshjen e javës së kaluar, por tani duket se do të japë kontributin e tij në duelin ndaj Venecias. “Është gati”, ishte përgjigja e trajnerit Tiago Mota sot në konferencë për shtyp kur u pyet për Manajn dhe nëse mund të luante që nga minuat e parë. Një sinjal i qartë se momenti i sulmuesit shqiptar ka ardhur dhe ai do të ketë mundësinë që të bëjë realitet atë që ka premtuar prej kohësh, që do të jetë një protagonist në elitën e futbollit italian.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/