Kryen nga 4 zëvendësime, Mançester Siti dhe Arsenali rrezikojnë përjashtimin nga “Carabao Cup”
Mançester Siti dhe Arsenal u kualifikuam me vështirësi, vetëm pas minutave shtesë, ditën e djeshme në sfidat e vlefshme për Carabao Cup. Skuadra e Guardiolës arriti të kalonte më tej falë fitores nga pika e bardhë e penalltisë, ndërsa Arsenali mposhti Noruiçin në shtesë me rezultatin 2-1. Koha e rregullt përfundoi në barazim 1-1.
Mirëpo, përpos vështirësive të kualifikimit skuadrave u ka dalë një tjetër telash. Të dy trajnerët kryen nga katër zëvendësime në ndeshjet e djeshme. “Carabao Cup” e lejon këtë gjë, por interpretimi i rregullores ka hapur një debat të madh në opinionin sportive në Angli.
Sipas rregullores, çdo klub mund të kryejë vetëm 3 zëvendësime gjatë 90 minutave dhe në rast se ndeshja i drejtohet minutave shtesë, mund të kryejë edhe 1 tjetër. Por ditën e djeshme, Guardiola kreu vetëm 1 gjatë 90 minutave dhe 3 të tjerë në fillim të shtesës prej 30 minutave, ndërsa Venger 2 brenda kohës së rregullt dhe 2 të tjerë në shtesë.
Opinioni sportive në Angli është ndarë në dy pjesë, ata që besojnë se është shkelur rregullorja, sepse lejohet vetëm 1 zëvendësim në minutat shtesë dhe pjesa tjetër që pretendon se gjithçka ka qenë e rregullt, sepse nëse ndeshja shkon në shtesë, çdo skuadër mund të përdorë 3+1 zëvendësime dhe i takon trajnerit të vendosë se kur do t’i kryejë ato.
NDIQE LIVE "PANORAMA TV"