Kristjan Asllani nuk po kalon një moment të mirë në karrierë pasi nuk ka pasur shumë minuta te Interi.

Edhe pse u afrua si zëvendësuesi i Marselo Brozoviç, me këtë të fundit të dëmtuar prej kohësh, mesfushori i Kombëtares shqiptare e ka parë veten si zgjedhje të fundit, teksa trajneri Simone Inzagi ka preferuar në rolin e regjisë, Henrik Mikitarjan dhe Hakan Çalhanollunë.

Së fundmi, sipas asaj që raporton “CalcioMercato.com”, Interi ka marrë vendimin për ta huazuar elbasanasin tek një klub që i garanton minuta dhe kjo skuadër mund të jetë Empoli, ekip ku zikaltërit e morën me formulën e huazimit me të drejtën e blerjes.

Para disa ditësh në media italiane u fol se 20-vjeçari shqiptar kërkoi aktivizim të shumtë dhe skuadra milaneze pritet ta huazojë në muajin janar, me shumë mundësi te toskanët e Empolit.

Aktualisht në të gjitha kompeticionet me fanellën e Interit, Kristjan Asllani është aktivizuar në total në 8 ndeshje duke mos shënuar dhe asistuar asnjë herë.

BRIAN KRISTO – PANORAMASPORT.AL

LEXO EDHE:

“BOMBA” NGA ITALIA/ Nuk ndihet i lumtur në Milano, Kristjan Asllani kërkon largimin nga Interi

Kristjan Asllani drejt largimit nga Interi? Tre klube duan shërbimet e fantazistit të Shqipërisë

NDIQE LIVE "PANORAMA TV"

---