“Krenar që jam pjesë e Frankfurtit”, Ervin Skela: Ja pse nuk dua të drejtoj një skuadër shqiptare

Panorama Sport | Lajmet e fundit nga bota e sportit

Postuar: Mars 26, 2020 | 0:05


“Krenar që jam pjesë e Frankfurtit”, Ervin Skela: Ja pse nuk dua të drejtoj një skuadër shqiptare

Ervin Skela është i njohur për të gjithë për atë që ai ka dhënë te Kombëtarja, ku ka qenë një nga lojtarët më të spikatur në kohën e tij.

skela bogdani

Pikërisht Skela ka dhënë një intervistë për “Fan Zone”, ku është shprehur se është një situatë shumë e vështirë nga Koronavirusi.

Gjithashtu Skela ka thënë se tani nuk dëshiron të marrë drejtimin e një skuadre shqiptare, për shkak se ka objektiva më të mëdha dhe dëshiron të tregojë veten në Gjermani. “Normal që jam i karantinuar në shtëpi. Është një situatë shumë e keqe, por unë jam një natyrë pozitive dhe mendoj se do kalojë shumë shpejt. Nga kjo situatë e vështirë mësuam diçka, që për shkak të punës së madhe kishim harruar miqtë. Me Çipin dhe Fakajn kemi hapur një grup dhe vazhdojmë flasim çdo ditë. Jam krenar që jam pjesë e një ekipi si Aintraht Frankfurtit.ervin skela

Tifozët janë shumë të zjarrtë. Nuk po presim dot për të dalë nga shtëpia. Kampionati është vendosur të vazhdohet nuk dihet ende data, por ndoshta ndeshjet mund të luhen pa tifozë. Gjithçka varet nga situata se si do ecë. Ne tani në këtë situatë që ndodhemi duhet të bëjmë më të mirën dhe të respektojmë rregullat, në mënyrë që të mendojmë për të ardhmen.ervin skela

Nuk jam i gatshëm të marr drejtimin e një skuadre shqiptare, pasi dua që njëherë të tregoj veten në Gjermani për të arritur diçka shumë të rëndësishme.”, u shpreh Skela.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com