KRAHASIMI I RENDITJEVE/ Tirana nuk ka lidhje me skuadrën e vjetshme, Vllaznia dhe Teuta “pikiatë”! 4 skuadra me bilanc pozitiv
Superiorja ka hyrë në një fazë tepër interesante! Kur janë luajtur 16 javë, kampionati kryesohet nga Tirana. Bardheblutë e Orges Shehit, pavarësisht barazimit në shtëpi ndaj Vllaznisë, duken në pozita komode, ku diferenca nga ndjekësit e Laçit dhe Vllaznisë është plot 6 pikë.
Vendi i katërt mbahet nga shkodranët e Vllaznisë, që pavarësisht diferencës prej 8 pikësh nga kryesuesit, nuk janë dorëzuar dhe do të tentojnë deri në fund surprizën e madhe. Me fitoren ndaj Egnatias, Partizani duket se la pas krizën e rezultateve negative, duke hedhur vështrimin nga pjesa e sipërme e renditjes.
Në një situatë të vështirë, duket Teuta, që ka regjistruar 3 humbje radhazi. Kampionët në fuqi të Superiores, janë me pikë të barabartë me Dinamon, duke u futur kështu në vallen e mbijetesës. Për sa i përket fundit të renditjes, Skënderbeu, Egnatia dhe Kastrioti, janë 3 skuadrat që momentalisht janë në zonën e ftohtë, duke rrezikuar ndjeshëm rënien.
Në hulumtimin e “Panorama Sport”, për sa i përket krahasimit të pikëve me javën e 16-të të sezonit të kaluar, rezulton se skuadrat që kanë rikuperuar më shumë pikë në këtë krahasim janë Tirana, Kukësi, Lacci dhe Skënderbeu. Ndërkohë lista e bilanceve negative kryesohet nga Vllaznia me -10 pikë.
DIFERENCA E PIKËVE NGA KRAHASIMI I RENDITJEVE:
TIRANA +14 pikë
LAÇI +4 pikë
KUKËSI +5 pikë
VLLAZNIA – 10 pikë
PARTIZANI -6 pikë
TEUTA -9 pikë
SKËNDERBEU +4 pikë
KASTRIOTI -7 pikë
PANORAMASPORT.AL
NDIQE LIVE "PANORAMA TV"