Kosova luan ëndrrën për në Europian, sonte pret Maltën në “vullkanin Fadil Vokrri”
Kosova do të presë Maltën në sfidën e tretë të grupin 3 të Ligës D në Ligën e Kombeve, mbrëmjen e sotme në stadiumin “Fadil Vokrri”. Sfida që nis prej orës 20:45, është një tjetër shans i artë për “dardanët”, për ëndrrën e kualifikimit direkt për në Europianin e vitit 2020.
Në dy takimet e para formacioni i Bernard Shaland ka barazuar 0-0 në transfertë me Azerbajxhanin si dhe ka fituar 2-0 me Ishujt Faroe. Këtë radhë përballë është një tjetër përfaqësuese e vogël europiane, Malta, por gjithsesi aspak për t’u nënvlerësuar.
Stadiumi “Fadil Vokrri” do të jetë i mbushur me kapacitet të plotë, madje ky impiant konsiderohet i vogël krahasuar me kërkesat e tifozëve për bileta. Madje ka pasur pakënaqësi nga vetë futbollistët e Kosovës, pasi nuk kanë mundur të sigurojnë bileta për familjarët e tyre.
NDIQE LIVE "PANORAMA TV"