Kosova drejt ëndrrës europiane, zbulohet “premioja” që do të përfitojnë “Dardanët” nëse kualifikohen
12 milionë € është shifra që do të përfitojë Kosova në rast se arrin të kualifikohet për në kampionatin e ardhshëm europian të 2020.
Lajmin e zbuloi presidenti i klubit të Prishtinës Remzi Ejupi, i cili ishte i ftuar në emisionin “Rock’n Roll Football” të Kosovës.
Sipas informacioneve që kam, Federata e Futbollit të Kosovës do të fitojë 12 milionë € nga FIFA dhe UEFA. Një shumë e madhe që mund të përdoret për zhvillimin e futbollit vendas”, deklaroi presidenti Ejupi.
Kosova do të tentojë të marrë pjesë në EURO 2020 nëpërmjet aksit të Ligës së Kombeve teksa dështoi të siguronte kualifikimin në turneun e kontinentit duke u renditur pas Anglisë dhe Republikës Çeke.
“Dardanët” duhet të eliminojnë fillimisht Maqedoninë e Veriut dhe më pas të mposhtin fituesin e çiftit Gjeorgji-Bjellorusi.
PANORAMASPORT.AL
NDIQE LIVE "PANORAMA TV"