Kordeiro rikthehet tek Partizani, lamtumirë emocionuese me djalin e tij: Iki për të siguruar të ardhmen tënde
Uilliam Kordeiro ka bërë prapakthehu dhe do rikthehet tek Partizani. Braziliani ishte larguar drejt vendlindjes por Partizani i ka bërë të ditur se do ta padisin në FIFA për shkelje të njëanshme të kontratës.
Duke parë këto kushte Kordeiro është rikthyer tek Partizani. Për brazilianin pjesa më e vështirë ka qenë ndarja me djalin e tij. Uilliam Kordeiro ka bërë një postim në rrjetet sociale për të birin. “Ishin 12 ditë, me ty gjithmonë më të mirat. Dolëm, qeshëm, luajtëm dhe iu gëzuam njëri-tjetrit, duke vrarë mallin e madh.
Tani po kthehem bir, me dhimbjen që po të lë, por duke e ditur se iki për të të siguruar të ardhmen tënde. Babai pak nga pak po kthehet, të dua pafundësisht”, ishte mesazhi emocionues i futbollistit të Partizanit për djalin e tij.
PANORAMASPORT.AL
NDIQE LIVE "PANORAMA TV"