Korabi bëhet gati për “playoff”-in me Tomorin, në Peshkopi krenohen me… statistikat

Panorama Sport | Lajmet e fundit nga sporti

Postuar: Maj 13, 2022 | 18:07


Korabi bëhet gati për “playoff”-in me Tomorin, në Peshkopi krenohen me… statistikat

Korabi është kthyer në bazë. Prej së enjtes, skuadra gjendet në Peshkopi. Të shtunën do të luajnë kundër Tomorit, një ndeshje që mund t’i mbajë në garë për ngjitjen.

KORABI 2

Dibranët e dinë që finalet janë të paparashikueshme, por krenohen me statistikat. Jo vetëm që i kanë marrë 6 pikë kundërshtarit në dy faza, por mbi të gjitha janë të pathyeshëm në shtëpi.

Në 15 ndeshje të luajtura, nuk janë mundur kurrë. Janë 13 fitore dhe vetëm 2 barazime nga fundi i kampionatit. edhe golavarazhin e kanë super. Shënojnë shumë dhe pësojnë pak. E kanë gjetur 23 herë portën dhe janë ndëshkuar me vetëm 6 gola.

Kur dihet që rregullorja në këtë fazë “play off”-i favorizon ekipet që renditen më lart, skuadra e Donald Mëziut ka një bonus. Jo vetëm që i presin beratasit në shtëpi, por kanë luksin që të kalojnë më tej edhe me… barazim.

FATMIR ZHUZHI – PANORAMASPORT.AL