Konte nuk e donte në skuadër për sezonin e ri, Interi gati të rikthejë sulmuesin në ekip
Keita Balde luajti i huazuar nga Monako te Interi sezonin që lamë pas, me këta të fundit që kishin të drejtën e blerjes.
Megjithatë pas emërimit të Kontes në stolin e skuadrës, tekniku italian nuk dha aprovimin për të blerë përfundimisht lojtarin, dhe senegalezi u detyrua të kthehet te Monako. Por, tani sulmuesin mund ta shohim përsëri me bluzën zikaltër.
Dëmtimi i Aleksis Sançez, i cili do t’i nënshtrohet një operacioni, ka vënë në lëvizje drejtuesit e Interit, të cilët po shikojnë lojtarë për repartin e sulmit dhe të kenë mundësi t’i afrojnë në janar. Kohët e fundit qarkullojnë emrat e Ibrahimoviç dhe Manxukiç, të cilët në merkaton e ardhshme me shumë mundësi do të largohen nga skuadrat e tyre aktuale.
Gjithashtu një emër tjetër që po qarkullon për repartin e sulmit zikaltër, është edhe ai i Keita Baldes, për të cilin drejtuesit mund të provojnë ta afrojnë në merkaton e janarit, duke ditur që edhe dëshira e lojtarit është të luajë përsëri për Interin.
PANORAMASPORT.AL
NDIQE LIVE "PANORAMA TV"