Kombëtarja U-19 zyrtarizon dy ndeshje miqësore, kuqezinjtë e Cungut do të përmballen me…
Shqipëria e 19-vjeçarëve, e drejtuar nga trajneri Armando Cungu, do të zhvillojë dy ndeshje miqësore ndaj bashkëmoshatarëve të Izraelit më 3 dhe 5 shtator, në kuadër të përgatitjeve që kuqezinjtë do të zhvillojnë përpara “Qualifying Round”.
Kuqezinjtë e Cungut janë shortuar në Grupin 5 së bashku me Danimarkën, Maqedoninë e Veriut dhe Çekinë me ndeshjet që do të luhen në Çeki në datat 7, 10 dhe 13 tetor.
Dy federatat respektive kanë rënë dakord që të dyja ndeshjet të zhvillohen në Shqipëri. Ndeshja e parë do të luhet në mbrëmjen e 3 shtatorit ndërsa ndeshja e dytë do të zhvillohet paraditen e datës 5, duke parë që skuadra izraelite do të largohet nga vendi po atë ditë.
Kuqezinjtë do të zhvillojnë një grumbullim një javor me qëllim harmonizimin e skuadrës në prag të ndeshjeve kualifikuese që do të kenë një muaj më pas. Shqipëria U-19 këtë vit ka zhvilluar disa seleksionime dhe grumbullime në të cilat trajneri Cungu ka pasur mundësi të shikojë një pjesë të madhe të lojtarëve që luajnë brenda dhe jashtë vendit, si dhe zhvilloi dy ndeshje miqësore me 19 vjeçarët e Kosovës ku në ndeshjen e parë u mundën minimalisht 1-0 dhe në të dytën triumfuan 3-0 duke treguar cilësitë e tyre.
⚽Shqipëria e 19 vjeçarëve do të zhvillojë 2️⃣ ndeshje miqësore ndaj bashkëmoshatarëve të ?? , ? më 3 dhe 5 shtator, në kuadër të përgatitjeve që ?? do të zhvillojmë përpara “Qualifying Round”.
?Kuqezinjtë janë shortuar në Grupin 5 sëbashku me ??, ?? dhe ??. pic.twitter.com/hHGKhuk3LD
— FSHF (@FSHForg) July 19, 2021
PANORAMASPORT.AL
NDIQE LIVE "PANORAMA TV"