Kombëtarja stërvitje në “Selman Stërmasi”, ja lojtarët që mungojnë
Kombëtarja shqiptare e futbollit zhvillon stërvitjen e parë për miqësoren ndaj Marokut. Kuqezinjtë u mblodhën sot pasdite në stadiumin “Selman Stërmasi” në kryeqytet për të zhvilluar një seancë të thjeshtë stërvitore.
Fillimisht grupit i mungoi Gjimshiti, Aliji, Manaj, Memushaj, Roshi, Balaj, Strakosha dhe Xhaka, por ky i fundit u pa të futej në impiantin sportiv pak minuta pas shokëve të tij të skuadrës.
Grupi i plotë i lojtarëve të thirrur nga De Biazi pritet të plotësohet në orët në vijim, pasi mungesat në stërvitjen e parë kanë ardhur për shkak të angazhimeve që futbollistët kanë pasur me klubet e tyre.
Pas kohë para se kuqezinjtë të zbrisnin në “Selman Stërmasi”, zhvilloi një seancë të shkurtër stërvitore edhe ekipi i Marokut.
Ekipet e të dy vendeve do të qëndorjnë në Tiranë deri në ditën kur do të udhëtojnë drejt Shkodrës, ku do të luajnë ndeshjen miqësore në stadiumin e rikonstruktuar “Loro Boriçi”.
Ndeshja do të luhet të mërkurën në mbrëmje në orën 20:30.
NDIQE LIVE "PANORAMA TV"