Mohamed Salah ka shënuar 37 gola këtë sezon për Liverpulin, por trajneri Klop ka zbuluar një moment që sipas tij ndryshoi sezonin e egjiptianit Salah dhe nuk ka të bëjë me Liverpulin.

Sipas tij, ishte goli që dërgoi Egjiptin në Kupën e Botës në tetor, momenti që ndryshoi sezonin e tij. Që pas atij momenti Salah ka shpërthyer. Ai udhëheq listën e golashënuesve më të mirë të Premierligës dhe listën për këpucën e Artë të Evropës.

Dhe Klop i falet penalltisë që Salah shënoi ndaj Kongos në minutën e 93-të për këtë, ndërkohë që trajneri gjerman po e shikonte në televizor.

“Gjëja më e bukur ishte mënyra se si Egjipti festoi pas golit.”- tha Klop pas fitoren ndaj Kristal Palasit.

“Nuk kam parë diçka të tillë në jetën time. As kur Gjermania fitoi Kupën e Botës në vitin 1990 nuk festuam ashtu. Të gjuaje një penallti të tillë në minutën e 93-të me gjithë kombin që i ka sytë nga ty ishte një presion i madh për Salah. Për pak, edhe mua më pushoi zemra.”- u shpreh Klop mbi golin historik që Salah shënoi për Egjiptin.

 

NDIQE LIVE "PANORAMA TV"

---