“Kisha shumë nevojë për atë goditje”, Ronaldo reagon pas golit të parë nga goditja e dënimit me Juventusin
Kristiano Ronaldo realizoi dje golin e parë nga goditja e dënimit me fanelën e Juventusit.
Yllit portugez i deshën plot 43 tentativa në 2 sezonet e fundit për të shënuar nga faulli dhe këtë e realizoi dje pasdite në fitoren në derbi 4-1 ndaj Torinos.
Pas takimit, 35-vjeçari deklaroi se kishte “nevojë shumë për një gol të tillë”.
“Kisha nevojë të shënoja nga goditja e dënimit në mënyrë që të fitoja sërish besim. E dinim që do të ishte një takim i vështirë, por punuam fort. E realizuam objektivin për sot. Nuk ka rëndësi se kush i shënon golat përderisa skuadra fiton. Jemi të gjithë në formë të mirë dhe do të përpiqemi të fitojmë ndaj Milanit”, bëri me dije ylli i Juventusit.
Ronaldo ka realizuar në dy sezone me Juventusin 57 gola, ndërsa këtë edicion ka realizuar një gol më shumë se sezoni i vjetshëm.
PANORAMASPORT.AL
NDIQE LIVE "PANORAMA TV"