Gareth Bejl ishte një nga lojtarët më të përfolur në merkaton e verës, për shkak të problemeve me trajnerin Zidan dhe ishte shumë afër largimit nga madrilenët.

Shpesh herë uellsiani ka bërë deklarata të cilat nuk iu kanë pëlqyer tifozëve madrilenë apo edhe gjeste të ndryshme, siç është ajo e largimit nga stadiumi para përfundimit të ndeshjes. Pikërisht edhe së fundmi sulmuesi ka dhënë një deklaratë, e cila nuk do t’iu pëlqejë aspak tifozëve të Realit.

Gjatë grumbullimit me kombëtaren e Uellsit, Bejl është shprehur se ndihet më i lumtur në ekipin kombëtar sesa te Reali. “Sigurisht që jam më shumë i entuziazmuar kur luaj për Uellsin se sa kur luaj për Realin.

Këtu disa lojtarë i njoh që në moshën 17-vjeçare, dhe kur luaj me ta më duket sikur jam duk luajtur në park me miqtë e mi. Këtu flas gjuhën time dhe ndihem më i lehtësuar. Në çdo ndeshje jap maksimumin.”, u shpreh Bejl.

PANORAMASPORT.AL

NDIQE LIVE "PANORAMA TV"

---