Mbrojtësi i djathtë i Mançester Juanjtid, Aron Van-Bisaka, po mendon të zgjedhë kombëtare tjetër, nëse trajneri i Anglisë, Gareth Sauthgejt nuk e grumbullon për ndeshjet kualifikuese të muajit mars, ku “Tre Luanët” do luajnë ndaj San Marinos, Shqipërisë dhe Polonisë.

Pavarësisht se prej disa ndeshjes, mbrojtësi po shkëlqen me Junajtid në Premier Ligë, ende nuk e ka bërë debutimin me Anglinë. Van-Bisaka mori ftesë nga Anglia në gusht të vitit 2019, por e kishte të pamundur të ishte i pranishëm, për shkak të një dëmtimi. Sauthgenjt para Van-Bisakës, ka grumbulluar për krahun e djathtë të mbrojtjes, Arnoldin e Liverpulit, Xhejmsin e Çelsit dhe Uoker të Sitit.

I mërzitur nga kjo situatë “The Athletic” raporton se Van Bisaka po mendon të zgjedhë një kombëtare tjetër për të përfaqësuar. 23-vjeçari e ka origjinën  nga Kongo dhe mendohet se ia ka bërë të ditur trajnerit se në rast se nuk do të grumbullohet me Anglinë për ndeshjet e marsit, atëherë do të përfaqësojë Kongon, ku ka luajtur edhe për ekipin e 20-vjeçarëve.

NDIQE LIVE "PANORAMA TV"

---