Dinamo nuk ka në plan që të dorëzohet. Edhe pse kanë zbritur në vendin e tretë, kanë shanse për revansh. Kryeqytetasit janë gati për sulmin final dhe rimarrjen e kreun.

Që kjo të ndodhë, duhet sigurisht që të fitojnë “betejën” e parë. Këtë të shtunë blutë udhëtojnë në Peshkopi, atje ku u mundën në mbyllje të fazës së dytë dhe dorëzuan vendin e parë. E megjithatë, lojtarët janë zotuar se nuk mund të gabojnë dy herë radhazi dhe mbi të gjitha ndaj të njëjtit kundërshtar.

Tashmë Korabin e njohin më mirë dhe stafi teknik ka marrë masat e nevojshme, për të evituar “blofin” e radhës. Një trepikësh në këtë transfertë do të përkthehej me vendin e dytë dhe ringjalljen e shpresave për misionin “Superiore”. Olsi Uku ka kërkuar përqendrim maksimal nga defensiva, por në të njëjtën kohë edhe sulm më efikas.

PANORAMASPORT.AL

NDIQE LIVE "PANORAMA TV"

---