Kërkohet ndërhyrja e UEFA-s, Konfederata Afrikane reagon ndaj presidentit të Napolit: Fjalë të papranueshme
Situata e tensionuar mes presidentit të Napolit dhe Konfederatës Afrikane të Futbollit duke të jetë një luftë që sapo ka nisur, pas komenteve të numrit një të klubit napolitan që u shpreh publikisht se nuk do të transferojë më futbollistë afrikanë pasi nuk dëshiron që ata të mungojnë përgjatë sezonit për shkak të Kupës së Afrikës.
Ka qenë vetë Konfederata Afrikane e Futbollit që me anë të një postimi në faqen zyrtare të “Twitterit” ka lëshuar një deklaratë ku i cilëson fjalët e De Laurentis si të papranueshme dhe kërkon ndërhyrjen e UEFA-s.
“Konfederata Afrikane e Futbollit i dënon publikisht dhe i cilëson si të papranueshme fjalët e presidentit të Napolit, Aurelio De Laurentis ndaj lojtarëve afrikan dhe Kupës së Afrikës.
Ato bien ndesh me rregulloren e UEFA-s dhe kërkohet ndërhyrja e këtij institucioni për të marrë masa ndaj tij.”, ishte shkruar në komunikatën publike të Konfederatës Afrikane të Futbollit.
CAF condemns unacceptable comments by Napoli FC president on African players https://t.co/XKyTZe6GNu
— CAF Media (@CAF_Media) August 7, 2022
PANORAMASPORT.AL
