Mesfushori i Kombëtares, Odise Roshi, foli për mikrofonin e “Supersport” pas fitores së thellë 0-4 ndaj Moldavisë.

Roshi ndër të tjera deklaroi se kërkon që të luajë nga minuta e parë, edhe pse sa herë futet jep më të mirën e tij, duke ndihmuar lojtarët. Një batutë, edhe për berberin që e ka gjithë skuadra me vete.

Doje që të shënonte Manajn?

Të gjithë sulmuesit kishin shënuar. Manaj kishte disa ndeshje që donte të shënonte. Unë bëra punën time si gjithmonë, dhe ai e shënoi.

Të jep besim kjo skuadër?

Kjo është ndeshja e tretë, që kemi luajtur më mirë. Jemi të kënaqur, edhe tifozët. Tani duhet të shikojmë ndeshjet e radhës ndaj Andorrës. As ajo nuk është e lehtë. Pastaj kemi një ndeshje të bukur me Francën në stadiumin e ri.

Je kthyer në lojtarin xhol, shumë i suksesshëm. Është e pranueshme nga ana juaj roli i xholit?

Objektivi im është të luaj nga fillimi, për 90 minuta. Por, ai që vendos është trajneri. Kur futem, bëj më të mirën time. Por, dëshira ime, është të luaj nga fillimi.

Ku je qethur?

Te berberi më i mirë në Shqipëri, Erti në Kavajë. Jo vetëm unë, por i gjithë ekipi. E kemi me vete, sa për dijeni.

Çfarë ju tha trajneri në fund në dhoma?

Tha që ishte i kënaqur me këtë grup. Po ecim shumë mirë, dhe tani duhet të shohim ndeshjet me Andorrën dhe Francën, ta mbyllim mirë. Duartrokitëm, dhe mbaroi gjithçka.

PANORAMASPORT.AL

NDIQE LIVE "PANORAMA TV"

---