Pas humbjes ndaj Atletikos së Madridit, Ronald Kuman flet në intervistë pas ndeshjes, duke u shfaqur tejet i zhgënjyer dhe duke mos u pajtuar me rezultatin e sfidës:

“Ne kemi bërë çmos për të provuar barazimin e lojës. Ne nuk kemi pasur shumë, por patëm një shans për të barazuar në pjesën e dytë me kokën e Lengle. Gjithmonë kushton me Atletiko i Madridit. Është e vështirë të krijosh shumë mundësi kundër Atletikos, kjo është arsyeja pse duhet të jesh i mirë kur e humb topin.

Tek goli i kundërshtarëve ishte faji ynë sepse, në minutën e 47, duke pasur topin, nuk mund ta humbasësh atë dhe ata shënojnë. Ajo që ndodhi në atë lojë nuk mund të ndodhë. Trajneri është përgjegjës për rezultatet e ekipit, maksimalisht përgjegjës.

Duhet të vazhdoj të besoj te lojtarët që kam, por duhet të përmirësoj gjërat në mbrojtje, gjithashtu në sulm. Dhe deri më tani nuk kemi qenë në gjendje të bëjmë më shumë. Unë mendoj se lojtarët kanë bërë gjithçka deri në sekondën e fundit për të barazuar, dhe ne duhet të vazhdojmë kështu në ndeshjet e ardhshme.

Unë nuk jam i shqetësuar as për kampionatin ose kualifikimin. Ne kemi nevojë për të fituar një seri lojërash, kjo është ajo që ka rëndësi.”, përfundon Kuman.

PANORAMASPORT.AL

NDIQE LIVE "PANORAMA TV"

---