Kategoria e Parë U-17/ Apolonia shkëlqen edhe me të rinjtë, triumfon në finale dhe shpallet kampione

Panorama Sport | Lajmet e fundit nga bota e sportit

Postuar: Korrik 12, 2020 | 20:10


Kategoria e Parë U-17/ Apolonia shkëlqen edhe me të rinjtë, triumfon në finale dhe shpallet kampione

Apolonia është shpallur kampione e Kategorisë së Parë U-17, pasi triumfoi në finalen e kësaj grupmoshe, duke mundur me rezultatin 3-2 Shkëndijën B të Tiranës.IMG-20200712-WA0026

Takimi i zhvilluar këtë të diel në Kompleksin “Internacional Tirana” ka dhuruar emocione të mëdha, teksa Shkëndija B e Tiranës barazoi përkohësisht shifrat në 2-2 gjatë pjesës së dytë. Mirëpo, të rinjtë fierakë kanë mundur të shënojnë golin e fitores e që u siguroi trofeun në minutën e 82-të më anë të Kurtit.

Vendimtar edhe Trifoni, i cili realizoi një dygolësh në pjesën e parë për Apoloninë, që pasi kishte fituar Grupin B pak javë më parë, u shpall edhe kampione e Kategorisë së Parë për këtë grupmoshë.

Në ceremoninë e zhvilluar në përfundim të sfidës ishte anëtari i Komitetit Ekzekutiv të FSHF-së, Abdyl Kuriu, ai që i dorëzoi trofeun e kampionit djemve të KF Apolonisë.




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com