KATEGORIA E PARË/ Cara nderon në limite Besën, kavajasit kryesojnë grupin B. Fiton minimale edhe për Veleçikun
Besa fitoi sfidën e javës së 8-të në shtëpi ndaj Lushnjës, me rezultatin e ngushtë 1-0, falë golit të Carës vetëm në minutën e 87-të, pas një realizimi me kokë. Me këtë fitore, kavajasit rikthehen në vendin e parë, në kuotën e 17 pikëve, ndërsa Lushnja vazhdon në ujëra të turbullta, me vetëm 8 pikë, në vendin e tetë, në grupin B.
Në sfidën tjetër të ditës së sotme, atë në grupin A, Veleçiku priti në “Reshit Rusi” Burrelin, dhe vendasit nuk falën. Rezultati ishte po ai, 1-0, me gol të Plishtës në minutën e 78-të. Me këtë fitore, koplikasit ngjiten në 12 pikë, në vendin e pestë, ndërsa Burreli mbetet i parafundit, me vetëm 6 pikë.
Grupi A
Veleçiku-Burreli 1-0
(Plishta 78′)
Grupi B
Besa-Lushnja 1-0
(Cara 87′)
NDIQE LIVE "PANORAMA TV"