Kategoria e Dytë, Grupi B/ Tomori dhe Albpetroli triumfojnë në transfertë, Maliqi “shuplakë” Tepelenës. Ja të gjitha rezultatet
Janë mbyllur ditën e sotme 6 ndeshjet e Kategorisë së Dytë në grupin B, të vlefshme për javën e 15-të.
Tomori ka marrë një fitore shumë të rëndësishme në transfertë ndaj Skraparit, teksa ka triumfuar me rezultatin 1-3.
Fitore ka marrë edhe Albpetroli në transfertë, të cilët kanë mposhtur me rezultatin 2-1 Gramozin. Delvina dhe Përmeti e kanë mbyllur në paqe, teksa kanë barazuar 0-0. Një fitore të thjeshtë ka marrë Butrinti, që mposhti me shifrat e thella 4-0 Selenicën në shtëpi.
Maliqi gjithashtu i ka dhënë një “shuplakë” të fortë Tepelenës, teksa ka triumfuar me shifrat 5-0. Ndërkohë Këlcyra dhe Naftëtari e kanë mbyllur në barazim 1-1.
Tomori, Maliqi dhe Albpetroli ndajnë tre vendet e parë, teksa janë në kuotë të barabartë pikësh, me nga 34 pikë.
Skrapari-Tomori 1-3
Gramozi-Albpetrol 1-2
Përmeti-Delvina 0-0
Butrinti-Selenica 4-0
Maliqi-Tepelena 5-0
Këlcyra-Naftëtari 1-1
PANORAMASPORT.AL
NDIQE LIVE "PANORAMA TV"