Janë luajtur tre sfida të fushatës kualifikuese të Botërorit “KATAR 2022” në Amerikën e Jugut.

Brazili, i cili është i kualifikuar ka barazuar 1-1 ndaj Ekuadorit në transfertë në një ndeshje ku ka ndodhur gjithçka. Llogaritë u hapën me mesfushorin e Realit të Madridit, Kazemiro në minutën e 6′.

Më pas Domingez lë Ekuadorin me 10 lojtarë në minutën e 15′, e njëjta gjë vlen edhe për Emerson Rojalin ku lë Brazilin me 10 lojtarë pas kartonit të dytë të verdhë në minutën e 20′.

Më pas kartonat e verdhë nuk kishin të ndalur nga “Seleçao” në pjesën e parë ku Alison, Rafinja dhe Eder Militao u ndëshkuan me të verdhë. Sfida u barazua në minutën e 75′ me anë të Torres.

Ndeshja tjetër mes Kilit dhe Argjentinës përfundoi me fitoren 1-2 të kombëtares “Albiceleste”. Takimi u hap me Angel Di Maria në minutën e 10′, më pas ishte Brereton i cili ka rikthyer baraspeshën e sfidës.

Fitoren e Argjentinës e vulosi sulmuesi i Interit, Lautaro Martinez në minutën e 34′. Kombëtarja e drejtuar nga Skaloni është e kualifikuar për në Botëror teksa renditet e dyta pas Brazilit.

Uruguaj ka fituar minimalisht 0-1 në transfertë ndaj Paraguajit.

Goli i vetëm i takimit ishte nga Luis Suarez në minutën e 50′, duke i dhënë tre pikë me vlera kombëtares së tij për rrugëtimin në Botëror.

NDESHJET E PËRFUNDUARA –

EKUADOR 1-1 BRAZIL

Torres 75′ / Kazemiro 6′

KILI 1-2 ARGJENTINË

Brereton 21′ / Di Maria 10′, Lautaro Martinez 34′

PARAGUAJ 0-1 URUGUAJ

Luis Suarez 50′

RENDITJA –

PANORAMASPORT.AL

NDIQE LIVE "PANORAMA TV"

---