Karton për 60 sekonda, sulmuesi i Partizanit humbet ndeshjen e kampionatit
Theofilus Solomon nuk do të jetë në dispozicion të trajnerit Adolfo Sormani për ndeshjen e radhës në kampionat, ku të hënën luajnë ndaj Bylisit në transfertë.
Sulmuesi nigerian është i pezulluar nga kartonët, pasi në ndeshjen e fundit ndaj Laçit ka plotësuar numrin katër. Solomon nuk është as i pari dhe as i fundmi që mungon për shkak të kartonëve të verdhë, por në këtë rast ajo që e bën të çuditshëm është mënyra se si nigeriani u ndëshkua.
Solomon ka javë që nuk preferohet nga trajneri Sormani si titullar dhe ndaj Laçit hyri në fushë në minutën e 87-të. Atij i mjaftuan vetëm 60 sekonda në fushë për t’u ndëshkuar me karton të verdhë, ku automatikisht humbi sfidën e radhës me Bylisin.
Kështu që, këtë javë Solomon është pushim dhe kthehet i gatshëm për “demat” për derbin e 10 korrikut ndaj Tiranës.
PANORAMASPORT.AL
NDIQE LIVE "PANORAMA TV"